InicioTerra CháCastro de ReiProtestas de familias ante a "falta de pediatra" nos municipios de Outeiro...

Protestas de familias ante a “falta de pediatra” nos municipios de Outeiro de Rei, Cospeito e Castro de Rei

Segundo as familias trátase dunha situación "insustentable" que non garante "o dereito á saúde" dos nenos, debido a que, segundo din, cando un profesional pediátrico auséntase da súa praza non se cobre de forma apropiada

PUBLICADA O

- Advertisement -

Familias afectadas pola “falta de pediatra” nos municipios lucenses de Outeiro de Rei, Cospeito e Castro de Rei volveron a protestar este luns para reclamar melloras no servizo.

Ao seu xuízo, trátase dunha situación “insustentable” que non garante “o dereito á saúde” dos nenos, debido a que, segundo din, cando un profesional pediátrico auséntase da súa praza non se cobre de forma apropiada. “E, cando se fai, moitas veces faise con profesionais que non contan coa cualificación necesaria”, lamentaron.

“Estamos fartas de que as administracións nos dean as costas, de escoitar promesas baleiras que nunca chegan a facerse realidade. Somos xente do rural e temos claro que non importa o que digan, senón o que fagan. E o que fan, lamentablemente, é abandonarnos”, criticou Iria Anllo, en representación das familias.

Ela reivindicou a importancia de que se lles escoite, lembrando que se trata de tres municipios que suman máis de 1.300 cartillas de pediatría. “Estamos dispostos a chegar ata onde sexa necesario”, engadiu.

“En nome dun futuro esperanzador para os nosos nenos e para as xeracións que veñen, non deixaremos de loitar pola sanidade pública que merecemos e para conseguir tal fin seguiremos convocando todo tipo de mobilizacións”, sentenciou.

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...