Os alumnos das clases de 1º de ESO A, B, C, D e E do IES Ollos Grandes, os seus profesores, e un grupo de alumnos de 1º de BAC que exerceron de coordinadores xunto aos voluntarios de Coidemos Lugo, xuntáronse esta tarde de luns para limpar o seu propio instituto, o Parque Rosalía de Castro e as Costas do Parque.
Coma case sempre, aquí vos deixamos algunhas fermosas testemuñas da nosa acción de limpeza e concienciación de hoxe… histórica, con máis de 120 alumnos e profesores do IES Ollos Grandes! 😍 Coidemos Lugo non para de medrar!!! 💚 Vídeo completo ➡️ https://t.co/qPl8O8bxs8 pic.twitter.com/031iRxbJEN
— Coidemos Lugo (@coidemoslugo) November 15, 2021
Despois dun ano e tres meses de historia, o movemento Coidemos Lugo acumula xa 16 accións de limpeza e concienciación. Non só iso, tamén numerosas charlas en centros educativos, universidades, e incluso colaboracións con campamentos de verán.
