InicioMedioambiente e PatrimonioA Deputación de Lugo e o Concello de Cervantes compran o castelo...

A Deputación de Lugo e o Concello de Cervantes compran o castelo de Doiras

O presidente da Deputación de Lugo, José Tomé Roca, destacou que o acordo se enmarca na aposta da Deputación por preservar "o rico e diverso patrimonio" da provincia e por "aproveitar" eses recursos para "potenciar o turismo de calidade e sustentable" como factor de desenvolvemento social e económico, sobre todo no rural.

PUBLICADA O

- Advertisement -

O presidente da Deputación de Lugo, José Tomé Roca, asinou co alcalde de Cervantes, Benigno Gómez Tadín, un acordo de colaboración polo que a institución provincial achegará 900.000 euros ao Concello para que adquira o castelo de Doiras. Segundo informou a institución provincial, o investimento, que se distribuirá en catro anualidades de 225.000 euros cada unha (entre 2023 e 2026), representa o 94% do custo total do inmoble, mentres que o Concello achegará unha contía de 60.000 euros.

O mandatario provincial destacou que o acordo se enmarca na aposta da Deputación por preservar “o rico e diverso patrimonio” da provincia e por “aproveitar” eses recursos para “potenciar o turismo de calidade e sustentable” como factor de desenvolvemento social e económico, sobre todo no rural. Así, remarcou as xestións do alcalde para realizar esta “adquisición histórica” para o municipio e para todos o veciños, xa que permitirá a Cervantes dispor “dun ben patrimonial emblema dos Ancares” e tamén do conxunto da provincia.

Pola súa banda, o alcalde agradeceu ao presidente da Deputación a colaboración económico que “será fundamental” para poder iniciar a tramitación administrativa de compra do inmoble. Esta adquisición, engadiu, representa “un importante fito” para Cervantes, xa que o castelo, coas súas raíces históricas, “reforzará a identidade local” e “servirá de reclamo” patrimonial.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...