Marisol Morandeira, responsable de Muller e Igualdade na Deputación de Lugo, participou este sábado nos actos organizados pola Asociación Cultural de Amigos da liga Santaballesa con motivo da recuperación da reitoral de Santaballa, unha visita na que afirmou que “hai que escoitar ao rural cando fai cultura”.

Segundo informou a deputación a través dun comunicado, a casa reitoral experimentou obras de mellora nas que a institución provincial investiu 13.600 euros. Morandeira asistiu á inauguración da exposición ‘Historia de Galicia’, financiada tamén pola Deputación de Lugo con máis de 3.000 euros.

Na súa visita, Marisol Morandeira destacou que á deputación apoia “todas as actividades que impulsa a cultura no rural” e defendeu que “hai que achegar a cultura ao rural e colaborar para que se poidan desenvolver estas actividades”.