InicioMedioambiente e PatrimonioA Xunta retirou máis dun milleiro de niños de velutinas en Lugo

A Xunta retirou máis dun milleiro de niños de velutinas en Lugo

Son 9.500 os retirados en toda Galicia no marco do plan de loita contra esta especie.

PUBLICADA O

- Advertisement -

O número de niños de avespa velutina retirados no marco do plan de loita contra esta especie, acordado entre a Xunta e a Federación Galega de Municipios e Provincias (Fegamp), supera xa os 9.500, segundo expuxo a directora de Administración Local, Natalia Prieto, na súa comparecencia en comisión parlamentaria.

Nela, explicou que as provincias de Pontevedra e A Coruña son as máis afectadas pola implantación destes niños e son tamén as que contan cun maior número deles eliminados ou neutralizados, 4.253 e 3.458, respectivamente, mentres que en Lugo e Ourense retiráronse 1.056 e 807, en cada caso.

A directora xeral de Administración Local destacou o nivel de adhesión dos concellos ao citado plan, cun 96% que se sumaron ao mesmo, “15 máis que o ano pasado” e expuxo que se reforzou o equipamento para axilizar os traballos de retirada.

Por outra banda, destacou que, en relación ao ano pasado, descenderon nun 23% as chamadas de avisos. O motivo vinculouno cos labores de trampeo realizadas na primavera para frear a expansión, ao que sumou tamén a influencia das condicións meteorolóxicas. O maior número de avisos concentráronse en agosto, con máis de 6.300.

Así mesmo, especificou que do total dos 17.236 avisos recibidos, ademais dos máis de 9.500 niños retirados, 1.976 correspondíanse con outros inactivos, en case 3.000 non procedeu actuación por tratarse doutras especies ou non visualizarse de forma directa e en case 780 tratouse de avisos duplicados xa comunicados por outros cidadáns.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...