Unha vaca leiteira é máis susceptible de sufrir tensión por calor que por frío, segundo un estudo de Unión Leiteira Galega (Ulega), que aborda os efectos do cambio climático na sanidade animal coa colaboración de gandeiros, veterinarios e tres granxas piloto en Galicia, Asturias e Cataluña.

Sobre o mesmo e as súas conclusións, Unións Agrarias informa que a temperatura e a humidade “son os que máis inflúen directamente sobre a sanidade do gando“. “Unha vaca produtora de leite é moi sensible á temperatura e é máis susceptible de sufrir tensión por calor que por frío”, apunta.

Tamén sinala que as respostas aos desafíos derivados do cambio climático requiren “desenvolver estratexias para fomentar a capacidade adaptativa, non só dos profesionais gandeiros, senón tamén dos servizos veterinarios”. Neste sentido, nace o proxecto Vectocc, que consiste en elaborar medidas de adaptación e mitigación ao cambio climático en materia de enfermidades de transmisión vectorial que afectan á sanidade animal.

Este proxecto foi desenvolvido por Ulega e conta con elapoyo da Fundación Biodiversidade, do Ministerio para a Transición Ecolóxica e o Reto Demográfico, a través da convocatoria de concesión de axudas da Fundación Biodiversidade, en réxime de concorrencia competitiva, para a realización de proxectos en materia de adaptación ao cambio climático 2018″.

Ao longo dos dous anos que durou o proxecto, realizáronse unha serie de actividades para coñecer o estado de situación do sector gandeiro en canto a sanidade animal se refiere e recompiláronse as “evidencias do impacto do cambio climático na proliferación de vectores de transmisión de enfermidades gandeiras”.