InicioMedioambiente e PatrimonioA Domus do Mitreo amplía a súa exposición con pezas que reforzan...

A Domus do Mitreo amplía a súa exposición con pezas que reforzan a pegada romana

O Museo de Viladonga colabora na restauración de ánforas, moedas e outras pezas de metal, vidro e cerámica

PUBLICADA O

- Advertisement -

EFE | O Museo Universitario A Domus do Mitreo, en Lugo, está a ampliar a súa exposición permanente grazas á incorporación de novas pezas ata o de agora descoñecidas.

Segundo informou a propia Universidade de Santiago de Compostela, a ampliación dos fondos exhibidos na Domus do Mitreo avanza grazas á colaboración co Museo do Castro de Viladonga, encargado do depósito do material arqueolóxico achado durante as escavacións do solar que agora ocupa o Museo Universitario.

A directora do Museo Universitario A Domus do Mitreo e profesora da área de Historia Antiga da USC, Dolores Dopico, explicou que o equipo de restauradores do Castro de Viladonga xa completou a restauración dalgunhas pezas de cerámica, vidro e metal, que se atopaban “nun estado penoso”. Terminados os traballos de restauración, as pezas serán exhibidas nas vitrinas da sala de exposición do Museo Universitario.

Na actualidade, xa se pode ver unha das ánforas recuperadas, “cuxa restauración foi pouco menos que un milagre”, dixo Dopico, así como algunhas moedas e diversas pezas metálicas.  “A exposición irá sendo ampliada co paso do tempo”, dixo Dopico, dado o “complexo e laborioso” que resulta a recuperación dese material arqueolóxico. “Aínda faltan moitos elementos de cerámica e todo o vidro”, lembrou.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...