InicioA UlloaAnimalistas piden 10 anos de inhabilitación para gandeiros que abandonen ou maltraten...

Animalistas piden 10 anos de inhabilitación para gandeiros que abandonen ou maltraten équidos

Denuncian que espectáculos como a Rapa das Bestas ou os curros que se celebran na Comunidade galega "non contan cunha norma básica en materia de benestar animal".

PUBLICADA O

- Advertisement -

A Asociación Animalista Libera e a Fundación Franz Weber sinalaron este luns a necesidade de contar en Galicia con “un marco normativo específico” para “protexer e coidar aos équidos”, animal “obxecto de toda clase de malos tratos e abandono”, denunciaron. Así, demandan sancións como inhabilitación de 10 anos para gandeiros que abandonen ou maltraten cabalos.

Nun comunicado, os animalistas sinalaron que “aínda é habitual que senderistas e visitantes localicen cabalos coas coñecidas popularmente como ‘pexas’ nas súas patas en zonas turísticas, como miradoiros naturais, na provincia de Pontevedra, ou cruzando estradas, como sucede regularmente nas comarcas de Eume e Ferrolterra (A Coruña)”, polo que instan a traballar sobre medidas concretas.

Respecto diso, apuntan a creación dunha Lei de Protección Equina, “que reuniría todas as cuestións normativas relacionadas con équidos nun único articulado, incluíndo ademais sancións accesorias como a inhabilitación e a prohibición de profesión ou comercio relacionado con esta especie por un máximo de 10 anos, a imitación do que xa contempla a Lei de Benestar Animal de Galicia de 2017”, sinalan.

RAPA DAS BESTAS

Para iso os defensores dos animais contan con máis de 168.000 firmas na plataforma Change.org. E lembran que prácticas como a Rapa das Bestas ou os curros que se celebran na Comunidade galega “non contan cunha norma básica en materia de benestar nin de obrigacións das persoas participantes, nin sequera aspectos sobre dereitos das persoas espectadoras, a pesar de que existen festexos onde se se realiza unha venda de entradas”.

“Tampouco existe unha regulamentación sobre o funcionamento dos santuarios nin espazos públicos ou privados que dean resposta a actuacións de incautación de cabalos maltratados, como sucedeu recentemente en Meis e de cuxo caso debeu facerse cargo o voluntariado dunha protectora da provincia pontevedresa”, avisan.

Os animalistas explican que “unha Proposición de Lei podería quedar a medias na súa tramitación na Cámara”, polo que farán desta proposta “unha futura iniciativa electoral”, destacaron, que trasladarán “a todos os grupos políticos que se presenten o próximo 2020, coa excepción de Vox, ao considerar que esta formación é anti-animalista”, conclúen.

ÚLTIMAS

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...