Primeiros pasos para a peonalización da Rolda da Muralla

Decenas de nenos e nenas participaron nas actividades organizadas polo Club Ciclista Cidade de Lugo no Día Europeo sen Coches. Unha xornada perfecta para comprobar como podería ser a peonalización da zona da torre da Mosqueira.

Actividades do Club Ciclista Cidade de Lugo durante o Día Mundial sen Coches na Rolda da Muralla. Un día para comprobar como sería a peonalización da Rolda da Muralla / Concello de Lugo

Peonalización da rolda da Muralla. Ese un dos principais obxectivos do novo Executivo municipal de Lugo, tras a entrada do BNG en tarefas de goberno. Un proxecto que comezou a materializarse este domingo, durante o día europeo sen coches.

Así, desde a área de Mobilidade e Infraestruturas realizouse unha “demostración da futura peonalización da Mosqueira”. Malia as incidencias climatolóxicas, que obligaron a interromper a sesión vermú, o Tenente de Alcalde, Rubén Arroxo, calificou a xornada como “un éxito”, marcando a boa acollida que tivo a acción por parte da veciñanza.

A xornada comezou ás 11:30 con actividades nas que participaron decenas de nenos e nenas a cargo do Club Ciclista Cidade de Lugo. A partir das 13h, estaba previsto que o grupo lucense Wicked World rendera tributo aos grupos de rock da década dos 70, 80 e 90 nunha sesión vermú, máis o concerto tivo que interromperse pouco despois do comezo debido á choiva.

Actividades na Torre da Mosqueira no día europeo sen coches no que se disfrutou dunha rolda da Muralla peonalizada / Concello de Lugo

Arroxo sinalou que “esta xornada foi unha oportunidade para desfrutar dun Lugo onde non se precise ter a muralla rodeada por vehículos”, e engadiu que “o recinto interior da Muralla é a zona monumental máis importante da cidade de Lugo e a día de hoxe conta con un valiosos elementos distinguidos como Patrimonio da Humanidade” e por iso “temos a responsabilidade de traballar para que a cidade e o seu casco histórico, ademais de ser un atractivo turístico, continúe sendo un espazo habitado no que lucenses e visitantes conflúan”.

DEIXAR UN COMENTARIO

Please enter your comment!
Please enter your name here