InicioMedioambiente e PatrimonioConcluídas as obras de descontaminación do barrio do Carme

Concluídas as obras de descontaminación do barrio do Carme

A alcaldesa de Lugo, Lara Méndez, comprometeuse a que esas actuacións servirán para poñer en valor unha zona emblemática da cidade

PUBLICADA O

- Advertisement -

A alcaldesa de Lugo, a socialista Lara Méndez, acompañada do concelleiro de Medio Ambiente, Álvaro Santos, supervisaron este xoves as obras -xa concluídas- de descontaminación do barrio do Carme.

Trátase dun dos barrios máis emblemáticos por onde pasa un tramo do camiño xacobeo primitivo a Santiago de Compostela. A obra foi financiada en base á “estratexia DUSI”, destacaron, e pasa por ser a primeira das actuacións baixo o paraugas deste programa europeo. Para iso, contou cun orzamento de 59.479 euros.

Lara Méndez mostrouse “contenta” porque se pon fin a “unha obra tremendamente necesaria para construír unha cidade rigorosa co medio ambiente”. Salientou a importancia do “proxecto de descontaminación de toda esta contorna do barrio do Carme” e das outras obras que servirán “para poñer en valor as cloacas (romanas) ou restos arqueolóxicos que iremos atopando”.

Estes traballos posibilitaron a eliminación de “verteduras ao arroio dos Ortos”, concretou a rexedora lucense e facilitará a cobertura e saneamento das vivendas que dan á rúa Santiago.  Segundo puntualizou, as obras consistiron na instalación dun mecanismo para bombear esas verteduras ao saneamento central, de maneira que se poderá poñer fin ao “mal olor” que traían canda si eses residuos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...