O período de consultas do ERE que afecta a 70 empregados na planta láctea de Tegestacín en Outeiro de Rei concluíu sen acordo, segundo informa a CIG.
Nun comunicado, o sindicato censura que, “a pesar disto, a empresa pretende forzar, con coaccións e sen garantías para o persoal, un acordo que lle lexitime o despedimento colectivo diante da autoridade laboral”.
A CIG, como sindicato maioritario, indica que nestes momentos a compañía ten toda a responsabilidade para exercer os despedimentos e garantir os pagos correspondentes de salarios, liquidacións e indemnizacións. Avisa de que se aproxima a falta de pagamento de dúas mensualidades consecutivas.
