Os parques xorden apois da celebración dun curso organizado polo Concello sobre poda, enxerto e plantación de froiteiras, celebrado este ano nos meses de febreiro e marzo e no que participaron 15 persoas; parte das sesións prácticas do curso incluíron a realización de prácticas de plantación e foron as persoas participantes neste curso as que plantaron as árbores que hai nos parques de cerdeiras e maciñeiras.

A inversión total nesta iniciativa ascendeu a algo máis de 3.000 euros, co acondicionamento e sinalización de tres parques: Dos Castiñeiros, Das Ameixeiras, e Das Maciñeiras. Cada un conta con tres variedades da árbore homónima, coa particularidade de que o primeiro inclúe micorrizados, co que as raíces dos castiñeiros darán cogomelos comestíbeis. En cada un destes espazos instalouse un pequeno panel interpretativo e os veciños poderán aproveitar os seus froitos.