InicioMedioambiente e PatrimonioA Xunta reitera que cubrir Quiroga Ballesteros será decisión do Concello

A Xunta reitera que cubrir Quiroga Ballesteros será decisión do Concello

Patrimonio emitiu un informe desfavorable pero non vinculante – O Concello afirma que “seguirá traballando” polo espazo cuberto en Quiroga Ballesteros

PUBLICADA O

- Advertisement -

A idea de crear un espazo cuberto entre o mercado e a Praza de Abastos seguirá a ser, polo de agora, unha idea. O Consello Territorial de Patrimonio Cultural  emitiu un veredicto negativo sobre a cuberta de Quiroga Ballesteros, malia que inicialmente non puxera reparo á obra. O Concello de Lugo podería ignorar o informe, mais apostará por reformar o proxecto para contar coas máximas garantías.

Certo é que un técnico da Consellería de Cultura participou no concurso de ideas a petición do goberno local, mais fontes da Xunta de Galicia aclaran que expresou entón a preferencia por outras opcións. No Concello, porén, entenden a postura de Patrimonio é “ilóxica” por non manifestar dende o xurado que ningunha das propostas puidese ter reparo.

Así e todo, o executivo autonómico carece de potestade para decidir, polo que a alcaldía é competente para continuar co proxecto de Quiroga Ballesteros. O Concello afirma que o impacto estético como argumento desfavorable é inxustificable, porque o deseño foi coidado para conectar ámbolos mercados respectando a diferenza de linguaxe, a distancia en altura e os bens históricos de tipo relixioso da contorna.

O Concello “continuará traballando”

É pola proximidade destes elementos patrimoniais que o Concello “continuará traballando” no proxecto, baixo a perspectiva de contar con todas as garantías legais. Foi esa a razón que levou o goberno de Lara Méndez a solicitar un informe de Patrimonio, sen ser preceptivo. Trátase dun lugar incluído no Pan Especial de Protección, Rehabilitación e Reforma Interior (PEPRI), e sometido á normativa municipal.

Dende a Delegación Territorial da Xunta de Galicia trasladan que o informe valora o impacto sobre a Praza de Abastos, “un edificio racionalista de gran importancia no conxunto histórico de Lugo”. Nese senso, explican que o Concello coñecía os reparos antes da emisión do informe, pois constan no expediente de renovación de Quiroga Ballesteros de marzo de 2018.

A administración galega di que a intervención neste asunto responde “aos principios de lealdade institucional, aínda que se nos volva agora en contra”. Aliás, na Xunta non porán “trabas” ao proxecto e convidan a que, se o Concello confía na idea, “que a faga realidade”.

“Non entra a idea de que a arte urbana é algo bo para a cidade”

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...