InicioPolíticaBesteiro acusa á Xunta de actuar "de costas ás persoas" en política...

Besteiro acusa á Xunta de actuar “de costas ás persoas” en política social

O xefe de filas do PSdeG criticou "a falta de investimento" nun "alicerce fundamental" para o benestar dos maiores e sostivo que "cando por fin se move algo, demostran que falla o enfoque".

PUBLICADA O

- Advertisement -

O secretario xeral do PSdeG, José Ramón Gómez Besteiro, acusou ao Goberno galego de xestionar a política social de “costas ás persoas” durante a concentración de familiares e usuarios da residencia de maiores das Gándaras, en Lugo.

O xefe de filas do PSdeG participou na protesta xunto co alcalde da cidade, Miguel Fernández, para acompañar aos familiares e usuarios que se mobilizan desde finais de novembro en protesta pola reforma “imposta” desde a Xunta e que denuncian que “afecta directamente á calidade de vida e ao benestar dos residentes”.

O líder dos socialistas galegos puxo o caso desta residencia como mostra do que PSdeG “leva anos denunciando”: “que a política social en Galicia chega tarde e mal, despois de que a Xunta iniciase unha reforma que non ten en conta a necesidade de intimidade e a tranquilidade dos usuarios”.

Así, aludiu a que este proxecto vai incorporar habitacións compartidas eliminando un único espazo privado do que dispuñan os residentes.

O xefe de filas do PSdeG criticou “a falta de investimento” nun “alicerce fundamental” para o benestar dos maiores e sostivo que “cando por fin se move algo, demostran que falla o enfoque”.

Besteiro sinalou que os “servizos públicos de coidados necesitan máis recursos, pero tamén outra maneira de facer as cousas” porque, engadiu, “non é suficiente con anunciar reformas, senón que hai que escoitar, planificar e pór ás persoas no centro”.

O responsable socialista tomou a palabra durante a protesta para reclamar que “se esta intervención é unha oportunidade, que o sexa de verdade” e que sirva para “mellorar as condicións e non para xerar máis incerteza”.

 

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...