Un veciño de Xermade enfróntase a unha pena de prisión de 12 anos como presunto autor dun delito continuado de abuso sexual a unha curmá desde que esta contaba con 13 anos de idade.

A Audiencia Provincial acolleu este xoves o xuízo contra este home, no que as declaracións principais, a da moza agredida, a súa nai e outra menor, foron a porta pechada para preservar a intimidade da vítima.

Os feitos xulgados tiveron lugar, segundo explica a acusación, entre os anos 2019 e 2022, cando o home, que contaba con 21 anos de idade na primeira ocasión, aproveitou a relación de confianza e parentesco entre ambos para realizar en varias ocasiones tocamentos nas partes íntimas da menor chegando mesmo a meterse na cama con ela para rozarse e practicar outros abusos “con introdución de membros corporais”.

A acusación mantén que a situación chegou ao seu fin cando a novo lle narrou os feitos á súa nai e esta cursou a denuncia.

Ademais da pena de prisión, a Fiscalía solicita afastamento da vítima por un período de 15 anos e liberdade vixiada durante outro cinco máis, unha vez cumprida a condena. Finalmente, reclama unha indemnización para a menor de 3.000 euros polo dano moral ocasionado.

O acusado negou os feitos e a súa avogada pediu a libre absolución.