A Sala do Civil e o Penal do TSXG confirmou a condena a un ano e medio de prisión para un home que quedou con 2.000 euros dunha anciá que coñecera nun fogar de pensionistas e que padecía demencia.
Na sentenza confirmada, a Audiencia Provincial de Lugo detalla que o condenado, de 62 anos, e a vítima, de 83, coñecéronse nun fogar de pensionistas que ambos frecuentaban. No desenvolvemento da súa amizade, o procesado acompañouna algunha vez ao médico ou ao supermercado.
Con coñecemento de que a muller padecía unha deterioración cognitiva en grao leve ou moderado, o home pediulle en agosto de 2019 que lle prestase 2.000 euros, alegando que non cobrara a pensión.
Para iso, levou á vítima a unha sucursal e fíxose co diñeiro, sen que nunca llo devolveu.
O fallo considera os feitos constitutivos dun delito de estafa e condena ao procesado a ano e medio de prisión, así como a devolver a cantidade subtraída.
