InicioPolíticaO PP de Lugo cifra en "máis de 800 euros" cada baño...

O PP de Lugo cifra en “máis de 800 euros” cada baño en xaneiro nas Caldas do Miño

PUBLICADA O

- Advertisement -

A portavoz do Grupo Municipal Popular de Lugo, Elena Candia, denunciou este mércores en rolda de prensa que cada baño rexistrado no mes de xaneiro nas Caldas do Miño, as piscinas de auga quente inauguradas na capital en marzo de 2023, “custou” aos lucenses “máis de 800 euros” debido á escasa afluencia de usuarios ao recinto e ao elevado custo do mantemento do servizo.

Nunha convocatoria realizada con motivo da presentación do cuarto boletín informativo que edita periodicamente o partido para “dar conta” do seu labor no municipio e “referendar con datos as actuacións mellorables do Goberno”, Candia indicou que manter o actual servizo das Caldas do Miño, “un dos proxectos estrela de nacionalistas e socialistas”, representa “un gasto anual de entre 367.000 e 400.000 euros”.

É un servizo con moi pouca afluencia e cun gasto moi elevado. Os datos oficiais indican que xaneiro entraron 32 persoas. Se calculamos o que custou o mantemento, cada baño pasou dos 800 euros”, explicou a portavoz popular, para acto seguido revelar, continuando co mesmo análise dos usuarios, que os baños no complexo –gratuítos previa reserva– supuxeron un gasto media durante algúns días dos meses de abril e maio de entre 94 e 157 euros.

Para a líder popular, os servizos de socorrismo, seguridade, mantemento e enerxía eléctrica para quentar a auga das piscinas, unidos á escasa afluencia, converten o servizo nun proxecto “insustentable” que debería ser reformulado: “Habería que buscar acordos para que esa auga que abastece o proxecto non fóra da traída senón mineromedicinal para dar un salto cualitativo e recuperar tamén o espírito inicial do proxecto”.

APERTURA DA NOVA RESIDENCIA

Na rolda de prensa convocada este mércores, na que Candia estivo acompañada dos concelleiros do seu partido, a portavoz do Grupo Municipal Popular aproveitou tamén a súa comparecencia para manifestar a súa “indignación” polo feito de que a nova residencia de maiores construída en Lugo pola Fundación Amancio Ortega e presentada o pasado 5 de abril non abrise aínda as súas portas.

ÚLTIMAS

Candia, Barreiro, Balseiro e Serrano reclaman a chegada do AVE e dos Avril á provincia, “a única sen estes servizos”

A presidenta do PP de Lugo, Elena Candia, e os senadores populares José Manuel Barreiro,...

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...