O Goberno galego tamén deu o visto e prace ao convenio co Concello de Lugo por valor de 2 millóns de euros para a execución do plan ‘Et edendo Lucus: un percorrido histórico pola enogastronomía’.
O acordo de colaboración entre Xunta e goberno lugués pretende potenciar a sustentabilidade turística da capital de provincia e contempla a recupración do edificio ‘Fábrica da Luz’, situado na ribeira do río Miño e que acollerá un centro de enogastronomía.
Ademais, serán homologadas 22 sendas peonís que percorren o municipio, levará a cabo un programa de asesoramento a pemes do sector turístico e implantaranse puntos de recarga para vehículos eléctricos.
