InicioLugo e contornaLugoA Facultade de Humanidades activa un contador de violencias machistas para sacar...

A Facultade de Humanidades activa un contador de violencias machistas para sacar á luz situacións silenciadas

O proxecto está a ser desenvolvido desde comezos de ano polo alumnado da materia Ética e Política de Dereitos Humanos.

PUBLICADA O

- Advertisement -

A Facultade de Humanidades do Campus de Lugo da USC vén de lanzar unha iniciativa para convidar a reflexionar sobre a múltiple tipoloxía de abusos e vulneración de dereitos que sofren as mulleres en España a través da activación dun contador de violencia machista. O proxecto, desenvolvido desde comezos de ano polo alumnado da materia Ética e Política de Dereitos Humanos, pretende dar visibilidade, ademais de sensibilizar sobre a grave problemática, en moitas ocasións silenciada ou descoñecida, que afecta ás mulleres.

“Desde que puxemos en marcha este contador de violencia a comezos de xaneiro, xa están rexistrados un bo número de casos nos que se percibe a vulneración de dereitos das mulleres”, relata a profesora Beatriz Fernández Herrero. Esta docente, que considera moi importante facer visible esta lacra social a fin de avanzar na prevención deste tipo de violencias, destaca que os episodios de maltrato físico e os asasinatos son os casos que captan máis atención na sociedade.

Fernández Herrero engade asemade que o labor de observación e busca que realiza o alumnado implicado na actualización deste contador de violencia machista permite sacar á luz moitas situacións silenciadas, pero que no fondo encobren diversas formas de violencia. “Moitas destas condutas menos visibles, algunhas merecedoras de incluír na chamada violencia estrutural, responden á consideración de micromachismos, aínda que é posible que non sexa a definición máis acertada”, comenta Fernández Herrero.

Alén do número de casos xa computados no contador de violencia machista activado este ano, a coordinadora desta actividade práctica puxo o foco nas novas formas de acoso ou vulneración de dereitos de mulleres xa advertidos. Así, esta docente sinalou as prácticas de ciberacoso ou insultos a mulleres que arbitran competicións deportivas como dúas das situacións máis singulares detectadas este curso no panorama nacional.

“Seguro que non somos capaces de contabilizar todos os casos que se producen, a pesar de que o alumnado fai un seguimento dos medios de comunicación e tamén desenvolve buscas específicas en Internet. Aínda así, a pesar deste esforzo, non todas as administracións ofrecen as mesmas facilitadas para achegar estes datos nin aportan o mesmo grao de información”, dixo Fernández Herrero, que sinalou a do País Vasco é unha das comunidades máis transparentes á hora de facilitar este tipo de información estatística.

ÚLTIMAS

Cae unha rede que extorsionaba homes en webs de citas sexuais

A Garda Civil detivo a unha persoa e investiga a outro catro acusadas de...

Prosegue a procura da anciá de 85 anos desaparecida hai unha semana no barrio de Montirón

A Policía Nacional continúa dirixindo a procura de Isaura, a anciá de 85 anos que non volveu...

O PP de Lugo pide ao Goberno aclarar se abrirá este verán un novo tramo da A-54

Os senadores do PP de Lugo --José Manuel Barreiro, José Manuel Balseiro e Juan Serrano-- pediron...

Perdera o carné por orde xudicial e seguía conducindo

A Policía Local de Lugo denunciou, por un delito contra a seguridade viaria, a...