InicioLugo e contornaLugoMáis de 200 carteiros facilitarán no rural de Lugo facer trámites administrativos...

Máis de 200 carteiros facilitarán no rural de Lugo facer trámites administrativos e o pago de impostos

José Tomé insistiu na importancia de garantir estes servizos para frear o fenómeno do despoboamento.

PUBLICADA O

- Advertisement -

O presidente da Deputación de Lugo, José Tomé Roca, e o presidente de Correos, Juan Manuel Serrano Quintana, asinaron este xoves un protocolo de colaboración co que se busca garantir a prestación de servizos ás zonas rurais da provincia, que favorecen a cohesión territorial e loitan contra o despoboamento. O proxecto aproveitará a rede 24 oficinas de Correos na provincia, 46 puntos de atención rural e máis de 200 carteiros que percorren a diario as aldeas e pobos lucenses.

O acordo pon o foco nos trámites administrativos como o pago de impostos e o cobro de subvencións, así como a expedición de cartóns de transporte ou a compra de entradas para eventos culturais, entre outros.

Ambas as entidades subliñaron que unha parte importante do acordo céntrase no apoio aos produtores locais, co fomento do uso de plataformas como Correos Market, utilizada por 14 produtores da provincia e coa que poden enviar as súas elaboracións a calquera lugar do territorio.

O obxectivo desta colaboración é blindar a prestación de servizos públicos básicos en zonas rurais e nas mesmas condicións que os prestados en núcleos urbanos.

Durante a firma do acordo, Tomé Roca asegurou que coa presenza da Deputación nas oficinas de Correos pretenden “ampliar os procesos administrativos” e “achegarse aos veciños”. Ademais, insistiu na importancia de garantir estes servizos para frear o fenómeno do despoboamento.

Outro dos focos do proxecto é a dixitalización dos puntos de atención rural de Correos para que os veciños destas zonas teñan acceso ás mesmas prestacións que os residentes en cidades.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...