Os casos activos de Covid-19 detectados no Colexio Franciscanos da cidade de Lugo ascenden a 20, deles 18 alumnos menores de 12 anos e dous profesores.
Así o confirmaron este martes fontes sanitarias, que destacaron que se fixeron “todos os cribados” e “se seguen facendo” as probas aos contactos dos positivos.
Neste centro, uns 70 escolares permanecen illados polos positivos en Covid-19, entre contaxiados e en corentena, despois de detectarse 15 casos inicialmente entre o alumnado e dúas profesoras contaxiadas, que manteñen tres aulas pechadas.
Fontes da dirección deste colexio lucense detallaron que “case todos” os contaxios de alumnos se rexistraron en “dous grupos” de segundo e sexto de primaria.
Respecto diso, sinalaron que hai en corentena sobre medio centenar de alumnos de segundo de primaria, de dúas clases, e uns 20 de sexto do mesmo nivel educativo, dun grupo.
Por iso, o centro garantiu que traballa para “limitar” os contaxios para que “non afecten a outros grupos” e procederon a “extremar as medidas”, como uso de máscara e ventilación.
