InicioLugo e contornaLugoDetido un home de 29 anos polo que parece un novo caso...

Detido un home de 29 anos polo que parece un novo caso de violencia machista

O mozo presentouse con cortes no HULA mentres atendían á súa parella por lesións.

PUBLICADA O

- Advertisement -

Axentes da Policía Local de Lugo detiveron a un mozo de 29 anos de idade por un suposto delito de violencia machista tras presentarse con cortes no Hospital Universitario Lucus Augusti (HULA) onde atendían á súa parella de diversas lesións.

Segundo informou a Policía Local, sobre as 16,45 horas do pasado 4 de novembro unha patrulla da Unidade Territorial de Policía de Barrio foi enviada a un edificio da Rolda Xosé Castiñeira porque desde unha vivenda escoitábanse berros “de auxilio” dunha muller.

Dúas patrullas trasladáronse ao lugar e revisaron as plantas do edificio, tras o que escoitaron detrás da porta dunha vivenda o que parecían saloucos dunha muller. Tras chamar, abriulles esta co “rostro ensanguentado e con un corte no beizo”, detallaron as mesmas fontes.

Os axentes observaron que, así mesmo, a muller tiña cravado na parte superior do padal un anaco dunha peza dental e rotas diversas uñas das mans, apuntaron as mesmas fontes policiais. “Moi nerviosa, alterada e ansiosa”, subliñou a Policía Local, a muller manifestou inicialmente aos axentes “con múltiples incoherencias”, que esas feridas fixéraas ela mesma “tentando saír dunha das habitacións”, abundaron.

Os policías realizaron unha inspección da vivenda e observaron que estaba “moi revolta”, con “claros signos de actos violentos” e atopáronse fracturadas portas das habitacións, pero non acharon a ninguén no interior. A muller manifestou aos axentes que vive coa súa parella, que neses momentos non estaba na vivenda.

Os axentes solicitaron información aos veciños, que indicaron que as “pelexas e berros son frecuentes”. Ademais, acudiu ao lugar unha amiga da vítima que ía axudala pois mantivera unha conversación telefónica con ela minutos antes.

DESMAIO

Nese momento, relata a Policía Local, a vítima sufriu un desmaio e foi auxiliada polos axentes. Unha ambulancia do 061 levouna ao HULA, acompañada por unha dotación policial.

No hospital presentouse a parella desta muller, un home de 29 anos, o cal tiña un corte na man esquerda e arañazos nunha cella, feridas todas elas, asegura a Policía Local, “recentes xa que algunha se atopaba sangrando”. O home manifestou que se produciu as lesións traballando, “sen dar máis explicacións”, apostilaron as mesmas fontes.

Por todo iso e “ao existir evidentes indicios dun delito de violencia de xénero”, subliña a Policía Local, foi detido este mozo e trasladado a dependencias policiais, onde se instrúen dilixencias para a súa remisión ao xulgado correspondente.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...