O concelleiro de Educación e Difusión do Coñecemento, Felipe Rivas, pediu á Xunta que publique os protocolos sanitarios a aplicar nos centros de ensino de cara ao inicio do curso. Felipe Rivas afirmou que “estamos a pouco máis de 10 días para o inicio do curso e seguios sen un protocolo definitivo”.
O edil explicou que a falta de protocolos fai que non poidan planificar os distintos servizos que o Concello de Lugo dá aos centros de ensino. “Aínda non sabemos como van poder realizarse cuestións como as actividades extraescolares ou como se van organizar os comedores escolares para este curso”, denunciou Rivas.
O edil lembrou que o ano pasado a Xunta xa cambiara os protocolos a unha semana de comezar o curso e que “un ano despois seguimos vendo como o goberno da Xunta segue improvisando”, sentenciou.
