InicioLugo e contornaLugoDenunciados dous homes que exercían de aparcacoches no HULA tras ameazar un...

Denunciados dous homes que exercían de aparcacoches no HULA tras ameazar un a un condutor

Un dos denunciados ameazou, segundo fontes policiais, a un condutor por non darlle diñeiro.

PUBLICADA O

- Advertisement -

A Policía Local de Lugo denunciou a dous homes que exercían de aparcacoches no aparcadoiro do Hospital Universitario Lucus Augusti (HULA) tras supostamente ameazar un deles a un condutor por non darlle diñeiro.

Segundo informou a Policía Local, ás 9,20 horas do día 3 unha patrulla da Unidade Territorial de Policía de Barrio desprazouse ás inmediacións do HULA porque un condutor requiriu o servizo ao ser ameazado por un aparcacoches.

Unha vez no lugar, o requiriente manifestou que, despois de estacionar e negarse a dar diñeiro á persoa que o pedía, esta ameazoulle “con causarlle cuantiosos danos ao seu vehículo”, indican as mesmas fontes.

Pola súa banda, o aparcacoches foi localizado nas proximidades polos axentes e manifestou aos axentes que o condutor lle ameazou cun bate de béisbol, aínda que ningunha das dúas persoas “desexaban presentar ningún tipo de denuncia”, destaca a Policía Local.

Finalmente, tanto este aparcacoches como outro máis que se atopaba nas inmediacións, foron denunciados por exercer a citada actividade. Ambos foron denunciados por infracción á Lei de Protección da Seguridade Cidadá, por “desobediencia a axentes da autoridade” xa que, despois de ser advertidos, “continuaban exercendo a mesma actividade”, conclúen as mesmas fontes.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...