- Advertisement -
Axentes da Policía Local de Lugo capturaron unha serpe dun metro de lonxitude achada nunha praza da capital luguesa na tarde deste pasado martes.
Segundo informou a Policía Local, ás 14,45 horas do día 3 de agosto, unha patrulla de Policía de Barrio procedeu á captura dunha serpe de aproximadamente un metro de lonxitude na Praza de Conde Fontao.
Tras o seu traslado ao Centro de Recuperación de Fauna Salvaxe, seguindo instrucións do persoal do citado centro, indican as mesmas fontes municipais, o animal foi liberado nas inmediacións do mesmo, “no seu hábitat natural”, conclúe a Policía Local.
