InicioLugo e contornaLugoA alcaldesa de Lugo defende que o museo da romanización se emprace...

A alcaldesa de Lugo defende que o museo da romanización se emprace no cuartel de San Fernando

Lara Méndez sinala que "non hai mellor continente que o cuartel de San Fernando co museo da romanización para a cidade".

PUBLICADA O

- Advertisement -

A alcaldesa de Lugo, Lara Méndez, volveu a reivindicar que o Museo da romanización se emprace sobre as ruínas do vello cuartel do San Fernando, dentro de murallas, un antigo proxecto que a Xunta “non asume”. Así o apuntalou durante a presentación dun libro sobre unhas xornadas de cerámica antiga do noroeste peninsular, que se celebraron na cidade amurallada en 2018.

Nese contexto, Méndez sinalou que “toda esta riqueza ten que estar nun continente, e non hai mellor continente que o cuartel de San Fernando co museo da romanización para a cidade”. “É o que seguiremos demandando porque ten que ser ese referente, nin sequera de Galicia, senón de todo o noroeste peninsular, da riqueza que temos do noso legado romano”.

En canto ao libro –do arqueólogo municipal, Enrique González, e do coordinador desa cita, Roberto Bartolomeu–, a alcaldesa puntualizou que reflicte “o que foron” unhas xornadas “moi frutíferas” que se realizaron sobre arqueoloxía de cerámica no noroeste.

Nesa cita, “mostrouse unha riqueza moi elevada”. “Queriamos plasmar toda esa experiencia, ese coñecemento dos que participaron, máis dunha vintena máis aló dos coordinadores”, subliñou.

Así, trátase de “recoller” nesta publicación “ese legado para que o poida aproveitar moitísima xente”, “que non se presentou antes pola situación pandémica”.

“Para nós é fundamental pór en valor o patrimonio da cidade”. “Tamén queremos pór en valor o traballo que se fai desde o servizo de arqueoloxía do Concello”, agrega.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...