No primeiro trimestre do 2022 Bricomart abrirá en Lugo un novo centro. Esta é a segunda apertura deste almacén en Galicia, logo de instalarse en Santiago de Compostela no 2015. O proceso para cubrir as vacantes estará xestionado por Adecco “seleccionando a profesionais do sector da construción e a reforma que queiran formar parte dun proxecto sólido e a longo prazo, nunha compañía onde poder crecer”, indican desde Bricomart.
As persoas seleccionadas para o Equipo de Lugo serán responsables de xerar unha boa experiencia de compra para os clientes, asegurando, desta forma, un bo asesoramento e unha xestión eficaz do stock.
Os novos traballadores incorporaranse no mes de decembro. Para acceder ás ofertas, os candidatos deberán contar con experiencia en venda ou con coñecemento de produto no sector da reforma e da construción.
