A Policía Local de Lugo tramitou denuncias a dous mozos de 18 anos de idade despois de ser disolto un grupo que realizaba un botellón na capital luguesa.

Segundo informou a Policía Local, sobre as 20,55 horas do pasado día 14 efectivos da Unidade Territorial de Policía de Barrio procederon a disolver un grupo de mozos que realizaba botellón na zona da Carmen.

Os axentes, sinalaron as mesmas fontes municipais, tramitaron dúas actas de denuncia a dous mozos de 18 anos de idade por infracción á Lei de Saúde de Galicia, que levan aparelladas multas de 500 euros para cada un deles.