O Pleno ordinario celebrado este martes 29 de xuño aprobou unha Declaración Institucional con motivo do Día do Orgullo LGTBIQA+. O documento foi acordado polos tres grupos políticos da Corporación – PdeG, BNG e PP- e nel amosan a súa defensa da “non discriminación, con independencia da raza, sexo, relixión, opinión ou calqwuera outra condición ou circunstancia persoal ou social”.
Con esta declaración, a Deputación de Lugo recorda a importancia de loitar polo recoñecemento e protección das persoas LGTBIQA+, tendo en conta que “a discriminación, o discurso de odio e os cries contra o colectivo medran en todos os países da Unión Europea”.
Ademais, con motivo da celebración do día do Orgullo, a Deputación de Lugo quere “anovar o seu compromiso na defensa deses dereitos” e descata o papel das entidades locais na defensa da igualdade e a convivencia.
“O racismo, a xenofobia, a transfobia e outras formas de intolerancia non poden ter cabida na nosa democracia, e cómpre loitar contra elas”, conclúe o docuemnto. Con este manifesto, a Deputación de Lugo condena calquera discriminación contra o colectivo LGTBIQA+ e recalca o seu compromiso coa igualdade.
