InicioLugo e contornaLugoO Sergas pide á xente máis xoven que comprobe os datos da...

O Sergas pide á xente máis xoven que comprobe os datos da cita para manter o ritmo da vacinación

O xerente da área sanitaria lembra que, pola súa idade, "teñen menos contacto co sistema sanitario".

PUBLICADA O

- Advertisement -

O xerente da área sanitaria de Lugo, A Mariña e Monforte, Ramón Ares, fixo un chamamento aos grupos de idade máis novas da provincia, precisamente porque teñen “menos contacto co sistema sanitario” que os maiores, para que comproben que o Sergas ten correctamente rexistrados os seus datos, para que non haxa erros na citación e a campaña de vacinación contra a Covid-19 siga ao mesmo ritmo que ata o de agora.

Ares precisou que é importante que todo o mundo acuda á cita establecida para manter o ritmo de vacinación, polo que resulta convininte que os usuarios se aseguren de que o Sergas ten correctamente anotados os seus datos de contacto.

O Sergas completará este venres a aplicación da vacina contra a Covid-19 ás primeiras 13.350 persoas menores de cincuenta anos da área sanitaria de Lugo, A Mariña e Monforte de Lemos.

MÁIS DE 23.000 DOSES ESTA SEMANA

En total, para esta semana, foron citadas 23.092 persoas para recibir a vacina, aínda que ademais do grupo de persoas menores de cincuenta anos, tamén foron inmunizadas 3.500 persoas de 50 a 59 anos que non acudiran a vacinarse cando foron citadas por primeira vez e outras 4.274 citadas dese mesmo grupo.

En total, das máis de 23.000 persoas citadas para recibir a vacina esta semana en Lugo, 14.438 persoas serán inmunizadas no HULA, outras 5.550 na Mariña e 3.104 en Monforte.

En canto ao grupo de idade de 40 a 49 anos, 4.450 persoas foron citadas para ser vacinadas cada día -mércores, xoves e venres-.

O sábado estará dedicado nos hospitais de Lugo á aplicación de segundas doses de AstraZeneca e foron citadas 1.918 persoas.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...