InicioLugo e contornaLugoAniman a adornar as vivendas con estandartes castrexas e romanas para "avivar...

Animan a adornar as vivendas con estandartes castrexas e romanas para “avivar a chama” do Arde Lvcvs

O Concello distribúe 1.000 unidades para que as e os veciños coloquen nas súas fiestras e balcóns.

PUBLICADA O

- Advertisement -

A Casa Consistorial entregou hoxe os cen primeiros estandartes decorativos da XX edición do Arde Lvcvs, deseñados para colgar nas fiestras e balcóns con motivos castrexos e romanos co fin de animar á cidadanía a “avivar a chama” desta festa de recreación histórica. A entrega será a partir das 12.00 horas diante do Concello.

Trátase dunha entrega simbólica, porque o resto de bandeirolas se poderán pasar a buscar á Casa da Xuventude, dende hoxe ata o día 15 xuño, de luns a venres, en horario de 10.00 a 14.00 horas e de 16.30 a 21.30 horas, ata esgotar as existencias. Para recollelas, os interesados deberán presentar o DNI e o enderezo do domicilio familiar, e deberán comprometerse a colgalas do balcón ou fiestra da súa casa, dende o 14 ao 20 de xuño, así como a subir unha fotografía ás redes sociais co cancelo #AvivandoAchama

No evento, tamén se presentará o vídeo promocional do Arde Lvcvs, no que participaron as asociacións da festa e que contará con recoñecidos artistas. A alcaldesa de Lugo, Lara Méndez, anima a toda a cidadanía a colaborar engalanando as súas vivendas, porque “debemos implicarnos todos para avivar a chama desta festa, que celebramos de maneira moi diferente debido as restricións sanitarias”. “Non só é un desexo senón unha necesidade anímica para a nosa cidade nestes momentos”, sostén a rexedora.

Mauricio Repetto, concelleiro de Xuventude, área que organiza esta festa, anunciou que se poderá recoller un estandarte por domicilio e que en total se distribuirán 1.000 para encher a cidade de mensaxes que axudarán a “non perdan o espírito festivo”.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...