InicioLugo e contornaLugoUn vilalbés multicampeón de loita adestra á Policía en Lugo

Un vilalbés multicampeón de loita adestra á Policía en Lugo

José Cuba, que acaba de conseguir o seu último título en Murcia, impartiu un curso sobre diferentes entradas en inmobles durante unha operación policial

PUBLICADA O

- Advertisement -

O vilalbés José Cuba, policía nacional adscrito á Comisaría Provincial de Lugo,  acaba de conseguir a súa decimoséptimo título de Campión de España de Loita. E foi el mesmo o encargado de impartir aos seus compañeiros, xunto cun especialista do Centro de Altos Estudos (CAE) do Corpo Nacional de Policía, un curso sobre como responder a diferentes situacións de entrada en inmobles.

Nun comunicado, a Comisaría Provincial lembra que Cuba é “o loitador español con máis títulos nacionais a nivel absoluto, dominando a categoría dos pesos pesados case de maneira continua nos últimos 20 anos” e, “lonxe de pensar no retiro, cos seu corenta anos, conta con permanecer na competición mentres poida manter a forma física e compaxinar os adestramentos coa súa profesión de Policía Nacional”.

A Comisaría provincial destaca que a súa “implicación” permitiu que se impartise este mes un curso para que quince funcionarios do Corpo Nacional de Policía se adestren en diversas técnicas para acceder a inmobles no transcurso de operacións policiais.

“Trátase do primeiro curso deste tipo que se realiza na provincia e o primeiro descentralizado que realiza o CAE desde que comezou a pandemia de COVID-19”, aclara a Policía Nacional nun comunicado, quen tamén precisa que o seu desenvolvemento foi posible a través “dun convenio coa Deputación de Lugo”, que cedeu as instalacións para esta actividade de formación.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...