InicioLugo e contornaLugoLugo ten a menor taxa de paro dos concellos galegos

Lugo ten a menor taxa de paro dos concellos galegos

Figura no posto 13 dos Indicadores Urbanos que publica este mércores o Instituto Nacional de Estatística (INE).

PUBLICADA O

- Advertisement -

Oleiros (posto 21), A Coruña (46) e Santiago (48) son o tres únicos municipios galegos no top 50 de España con maior renda anual por habitante, mntres que Lugo é un dos que menor taxa de paro ten ( posto 13), segundo figura nos Indicadores Urbanos que publica este mércores o Instituto Nacional de Estatística (INE).

Pozuelo de Alarcón (28.326 euros) encabeza esta lista que emprega datos de 2018. Pola súa banda, Oleiros conta cunha renda anual por habitante de 16.170 euros, mentres A Coruña (14.106) e Santiago (13.950 euros) están a máis distancia. Ademais, ningún concello galego está no top 50 de menor renda.

Así mesmo, nesta estatística pódense observan diferentes indicadores. Por exemplo, entre os municipios con menor taxa de paro están Lugo (posto 13) e Santiago (14), que contan cunha taxa do 10,1% e 11%, respectivamente.

En cambio, Ferrol é o concello con peor taxa de actividade do país (do 49%). Tamén Ourense ocupa o noveno peor posto, co 51,4%. Pola súa banda, hai ata catro municipios galegos no top 15 de menor número medio de fillos por muller: Ourense (posto 9), Ferrol (11), Vigo (14) e A Coruña (15). Nos catro casos a media é de pouco máis dun fillo.

ÁREAS METROPOLITANAS

Ademais, o INE ofrece datos por áreas metropolitanas, máis aló de municipios. Deste xeito, a área da Coruña é a décima de España con maior renda (13.437 euros).

Así mesmo, a área de Vigo é a sétima con maior proporción de emprego na industria, co 19,2%, mentres que aquí a área de Ferrol ocupa o décimo posto (17,8%).

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...