Esquece as chaves do coche coa súa filla pequena no interior do vehículo

A Policía Local auxiliou unha veciña da cidade á que se lle pechara o automóbil "nun descoido".

Efectivos da Policía Local / CLM24

EFE | Axentes da Policía Local de Lugo tiveron que auxiliar onte a unha veciña da cidade que se deixou as chaves dentro do coche, coa súa filla de dous anos no interior do vehículo.

Sucedeu ás once da mañá, cando unha patrulla da Policía Local se desprazou á Rúa Fonte da Bica para axudar unha muller á que se lle “pechou o coche nun descoido”, coa súa “filla de dous anos no interior”, informou este corpo de seguridade.

Un dos axentes quedou á beira do coche, para tranquilizar a nena e darlle sombra co seu propio corpo, porque a temperatura xa era alta a esa hora do día, mentres que o seu compañeiro acompañou a nai ao seu domicilio para coller unha copia da chave do coche.

Aos poucos minutos estaban de volta e ao abrir o coche comprobaron que “a nena estaba en perfecto estado”.

DEIXAR UN COMENTARIO

Please enter your comment!
Please enter your name here