InicioSociedadePropoñen outorgar as Medallas de Ouro aos servizos esenciais que loitan contra...

Propoñen outorgar as Medallas de Ouro aos servizos esenciais que loitan contra a COVID-19

É a máxima distinción que pode entregar o Concello de Lugo aos seus cidadáns. Neste caso, Lara Méndez quere agradecer o labor do sector sanitario, farmacéutico, transportista, persoal dos supermercados, agricultoras e gandeiras, etc.

PUBLICADA O

- Advertisement -

A alcaldesa de Lugo, Lara Méndez, proporá ao resto de grupos municipais outorgar as Medallas de Ouro deste 2020 aos colectivos de profesionais que cobren os servizos esenciais durante esta pandemia: sector sanitario e farmacéutico, forzas e corpos de seguridade, sector agroalimentario, transportistas e demais traballadores esenciais.

“Estas Medallas son a máxima distinción que o Concello de Lugo pode entregar aos seus cidadáns. Por iso, queremos plasmar nesta homenaxe o aplauso colectivo que cada día facemos chegar a estes traballadores e traballadoras desde as nosas fiestras e balcóns para agradecerlles o seu labor, tarefas que, en moitos casos, chegan incluso a exceder a súa responsabilidade profesional”, sostivo a rexedora lucense. 

Lara Méndez lembra que o regulamento destas Medallas detalla que deben recaer  en “persoas que teñen atribuídos méritos verdadeiramente extraordinarios“, e “extraordinaria é a dedicación e o compromiso que os distintos colectivos amosaron e amosan para superar esta crise que tantas vidas deixou no camiño”.

O ACTO, PREVISTO PARA O 30 DE NOVEMBRO

A entrega destas Medallas de Ouro é o 30 de novembro, data na que se conmemora o aniversario da declaración da Muralla como Patrimonio da Humanidade. Este ano, ademais, celébrase o vixésimo aniversario de tal fito. “Se un brote da pandemia non o impide, organizaremos un acto que nos permita ao pobo lucense enxalzar o noso orgullo como comunidade unida e solidaria”, aseverou a alcaldesa, que incidiu en que “como sempre dicimos, o mellor patrimonio de Lugo somos a súa xente, e nesta crise sanitaria, social e económica estámolo a demostrar”.

 DECLARACIÓN INSTITUCIONAL

Por outra banda, o Concello xa avanzara hai uns días que se proporá a aprobación no vindeiro Pleno dunha declaración institucional en memoria das vítimas da pandemia.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...