InicioSociedadeMulleres investigadoras impartirán obradoiros no CEIP Paradai co gallo do Día da...

Mulleres investigadoras impartirán obradoiros no CEIP Paradai co gallo do Día da Nena na Ciencia

O grupo XuvenCiencia da USC busca espertar o interese científico entre a rapazada, así como desmontar os prexuízos de xénero que arrodean este eido profesional.

PUBLICADA O

- Advertisement -

O grupo XuvenCiencia da USC está a preparar unha xornada no CEIP Paradai para celebrar o Día da Muller e da Nena na Ciencia. O vindeiro 12 de febreiro, unha vintena de investigadoras achegaranse á escola para desenvolver obradoiros que esperten na rapazada o interese polo eido científico-tecnolóxico.

Profesoras, doutorandas e estudantes da USC impartirán actividades adaptadas ás distintas idades que conviven no CEIP Paradai: un xogo de pilla-pilla arredor da cadea trófica e actividades de robótica para a educación infantil; traballo sobre a alimentación saudable e a xestión responsable da auga para as e os estudantes de 1º e 2º de primaria; unha introdución ás curas de enfermaría e á botánica para o alumnado de 3º e 4º; e a experimentación coa fibra óptica e os elos das cadeas de ADN para a rapazada de 5º e 6º.

A FENDA DE XÉNERO E O CHAN PEGAÑENTO

Asemade, poñerase en marcha unha adaptación do obradoiro A ciencia como profesión, que ten por obxectivo desmontar os prexuízos de xénero que existen arredor da ciencia.

Precisamente, a coordinadora de XuvenCiencia, a profesora da USC Mercedes Novo Rodríguez, considera que contar con referentes adoita ser o primeiro paso para que prenda nas nenas unha vocación forte dabondo para rachar coas barreiras de xénero impostas e liberarse do “chan pegañento” que a cotío lastra a carreira de moitas mulleres novas.

Desenvolver estes talleres con alumnado de idades temperás ten unha importancia engadida, xa que a etapa na que se atopan é “a porta de entrada a todos os coñecementos” e “constitúe a base de canto logro se acade máis adiante”.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...