O Tenente de Alcalde, Rubén Arroxo, anunciou que o Concello de Lugo poñerá en marcha proximamente un plan de retirada de coches abandonados na vía pública.

Nos vindeiros días, comezarán a retirarse os vehículos abandonados das rúas da cidade. Trátase dun total de 25 vehículos que levan varios meses abandonados e que serán trasladados ao depósito municipal “para poder mellorar a seguridade cidadá, dado que algúns deles están totalmente desmantelados”.

Esta medida, reclamada pola veciñanza das zonas afectadas, e baseada nos informes da Policía Local, ten como obxectivo mellorar a imaxe de Lugo e facilitar o aparcamento mediante a liberación das prazas ocupadas.