A Xunta de Goberno do Concello de Lugo aprobou as obras de infraestrutura para a inmediata construción do novo colexio do Sagrado Corazón. A contratación terá un custo previsto de 45.000 euros.
O tenente de alcalde, Rubén Arroxo (BNG) , deu conta deste asunto en rolda de prensa, onde estivo acompañado da edil de Benestar Ana G. Abelleira (PSOE). Este paso suporá, segundo dixo, o impulso necesario para que a Xunta poida levar adiante o proxecto de edificación deste centro.
VISITA AO PARQUE INFANTIL DE TRÁFICO
Por outra banda, Rubén Arroxo e Felipe Rivas -concelleiro de Educación- visitaron o Parque Infantil de Tráfico, da man do seu director, José Luís Machado. Durante este mes están a se celebrar alí cursos de verán para un cento de nenos e nenas. O obxectivo desta actividade é inculcar na rapazada condutas seguras como peóns e usuarios de transporte.
