InicioMedioambiente e PatrimonioUn dos escasos estudos sobre os caneiros recibe o premio Condado de...

Un dos escasos estudos sobre os caneiros recibe o premio Condado de Pallares

'Percorrido polos caneiros do Miño pertencentes a Guntín de Pallares' rescata este ben patrimonial característico da pesca tradicional

PUBLICADA O

- Advertisement -

A XII edición do Certame de investigación Condado de Pallares recaeu por unanimidade do xurado no traballo titulado Percorrido polos caneiros do Miño pertencentes a Guntín de Pallares.

Yolanda Vázquez resultou gañadora do certame, valorado con 3000 euros, pola orixinalidade do tema, o seu carácter didáctico e a importancia da posta en valor dun aspecto do patrimonio cultural pouco estudado.

O Certame de investigación Condado de Pallares está promovido pola Asociación de Amigos do Mosteiro de Ferreira de Pallares, en colaboración coa Secretaría Xeral de Política Lingüística e coa Dirección Xeral de Políticas Culturais, e ten como obxectivo fomentar o estudo de calquera aspecto relacionado coa cultura, historia e tradicións dos cinco concellos do antigo Condado de Pallares (Chantada, Guntín, Taboada, Portomarín e Carballedo).

O esquecemento dos caneiros

Yolanda Vázquez é mestra de primaria en Guntín | Xunta de Galicia
Yolanda Vázquez é mestra de primaria en Guntín | Xunta de Galicia

Os caneiros, pesqueiras ou pescos, son similares a unha presa que se constrúe en diagonal no curso dun río, desde onde se pesca ou coa que se desvía a auga para poder pescar. É unha construción tradicional ligada á hidráulica que se remonta á época romana. Están presentes en toda a xeografía galega, aínda que especialmente no río Miño.

En 1908, atopáronse 700 pesqueiras nun treito de 25 quilómetros do baixo Miño. A construción do encoro de Belesar a comezos da década dos sesenta impediu o paso das especies migradoras –anguía, a troita ou o salmón–, rematando coa utilidade dos caneiros, que co paso do tempo están desaparecendo pola falta de mantemento.

ÚLTIMAS

O Concello dá luz verde á remodelación do Anxo Carro e adxudica 22 postos na Praza de Abastos

O Concello de Lugo aprobou na xunta de goberno local a licenza urbanística que...

Permanecen na UCI o condutor e os dous menores feridos o accidente de Xermade no que morreu unha muller

O condutor do vehículo accidentado este luns no municipio lucense de Xermade, no que...

Os veciños que pelexaron por un cabalo en Xermade pactan antes do xuízo e ningún irá ao cárcere

Os dous veciños da localidade lucense Xermade que se encerellaron nunha violenta pelexa por un...

Policías e gardas civís de Galicia concéntranse en Lugo contra o “abandono” do Ministerio do Interior

Un grupo de policías e gardas civís de Galicia manifestáronse este martes diante da...