InicioSociedadeEn Castroverde, Baleira e A Fonsagrada non se poden pedir citas para...

En Castroverde, Baleira e A Fonsagrada non se poden pedir citas para o pediatra ata abril

O BNG denunciou este martes a "falta de atención pediátrica" nestes concellos lucenses. Hai familias que se ven obrigadas a desprazarse 60 quilómetros para chegar ata o PAC.

PUBLICADA O

- Advertisement -

BNG denunciou este martes a “falta de atención pediátrica” nos concellos lucenses da Fonsagrada, Baleira e Castroverde, deste xeito, detallou que as familias destes municipios descubriron este luns que non podían pedir cita en pediatría nin para o mes de febreiro nin para marzo. Deste xeito, a concelleira en Castroverde Iria Castro, explicou que o que ocorre é que derivan aos pacientes ao médico de cabeceira ou directamente ao momento de Atención Continuada (PAC) do Sacro Corazón.

“Esta non é a primeira vez que pasa, en xaneiro, coincidindo coas vacacións de Nadal, tampouco houbo servizo de pediatría durante dúas semanas e o Servizo Galego de Saúde (Sergas) leva anos sen cubrir vacacións ou baixas“, denunciou. Doutra banda, os nacionalistas sinalaron nunha nota de prensa que as alternativas que se propoñen ás familias “non son válidas”, xa que aseguran que un médico de cabeceira “non é un especialista en nenos”.

Así mesmo, o Bloque sinalou que “se está obrigando a algunhas familias” a desprazarse ata 60 quilómetros para chegar á PAC e incidiu en que derivar aos nenos de tres concellos ao servizo de pediatría do Sacro Corazón, “sobrecarga un centro de saúde que xa ten moitos usuarios”. “A falta de pediatras é só a punta do iceberg nun sistema de saúde que opera ao límite, a escaseza de recursos humanos non é un fenómeno illado. Esiximos que se cubran tanto as baixas como as vacacións, merecemos unha sanidade pública e de calidade independentemente de onde vivamos”, esixiu Castro.

ÚLTIMAS

Novas obras no viaduto do Castro provocarán afectacións ao tráfico a partir deste luns

O Ministerio de Transportes e Mobilidade Sustentable inicia este luns os traballos para impermeabilizar o...

A XXI Feira Medieval de Monforte xa está aquí

Ademais dos atractivos doutras edicións, como son os numerosos postos e paradas que haberá...

Falta de pediatras na Fonsagrada, Baleira e Castroverde

A asociación de consumidores Facua en Galicia dirixiuse ao Servizo Galego de Saúde (Sergas) para denunciar a "falta...

Unha talla de madeira provoca graves impactos en mámoas de Lugo

As asociacións ADEGA e Mariña Patrimonio veñen de presentar unha denuncia perante a Dirección...