Preto dun centenar de veciños do barrio das Gándaras de Lugo volveron a manifestarse este domingo en protesta pola presenza de okupas nalgunhas das vivendas da zona.

Despois de que esta semana una das familias abandonara unha das casas abandonadas tras a intervención da polémica empresa Desokupa, aínda queda outra vivenda ocupada, segundo explicou Jaime Gueimunde, presidente da asociación de veciños de Gatos Roxos.

En protesta por esta situación, desenvolveron unha concentración ao mediodía ante a vivenda, situada na contorna do colexio Virxe da Soidade, para descender despois pola rúa San José ata a zona da igrexa. Nunha reunión veciñal, acordaron manter as protestas que desenvolven todos os domingos cada dúas semanas, ante o temor de que se produzan máis ocupacións de casas.

No caso da vivenda ocupada, explicou que pertence a unha muller de avanzada idade, que neste momento atópase nunha residencia. Os seus netos, que participaron na marcha, non poden acceder á casa e están pendentes de que se faga efectiva a “orde xudicial de desaloxo coa que contan desde hai un ano”, explicou.

Ademais, alertou de que teme que “os okupas que se foron volvan” posto que “o barrio ten moitas casas de planta baixa, con leira e horta que lles dá para facer as súas labores”. E moitas das vivendas do barrio, agrega, están deshabitadas porque pertencen a xente maior.

En todo caso, confía en que as accións de protesta leven aos okupas a abandonar a casa na que se atopan actualmente e a desistir de entrar noutras vivendas que estean deshabitadas.