O incendio forestal rexistrado no municipio lucense de Guntín, parroquia de Servián, foi extinguido tras afectar a unha superficie de 32,37 hectáreas, todas de arboledo. Segundo informou a Consellería do Medio Rural, o lume, que comezou ás 16,17 horas do martes, logrou ser extinguido ás 00,23 horas deste xoves.
Nos labores para apagar as chamas mobilizáronse dous técnicos, 20 axentes, 23 brigadas, 20 motobombas, 3 pas, 5 helicópteros e 3 avións. A Consellería do Medio Rural lembra que está disposición da cidadanía o número de teléfono gratuíto 085, ao que deben chamar en caso de detectar algún lume.
Así mesmo, está dispoñible para a súa descarga ALume, a app para avisar sobre incendios forestais activos en Galicia. Tamén existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
