InicioPolíticaRodríguez responsabiliza ao PP da falta de efectivos policiais en Lugo

Rodríguez responsabiliza ao PP da falta de efectivos policiais en Lugo

A subdelegada do Goberno atribúe ao "déficit acumulado" nos mandados populares a situación da comisaría provincial de Lugo

PUBLICADA O

- Advertisement -

EFE – A subdelegada do Goberno en Lugo, Isabel Rodríguez, afirmou comprender a postura dos sindicatos policiais en relación á plantilla provincial, mais culpou da situación ao Partido Popular. Segundo a responsable gubernamental, o déficit acumulado “é moi grande” na cobertura de vacantes na comisaría.

Contestou así Rodríguez aos sindicatos representativos na provincia de Lugo, que expresaron “malestar” e “indignación” perante o borrador do Concurso Xeral de Méritos 2019″ no que traballa a Dirección Xeral da Policía. Segundo as centrais sindicais, “un ano máis” os lucenses “son deixados da man de Deus polas institucións” debido a que non figura ningunha praza para a comisaría provincial.

Nese senso, a subdelegada precisou que o borrador “non pode solventar o gran déficit” xerado na capital lucense “polos sete anos de goberno do Partido Popular”. Lembrou Rodríguez que no concurso teñen prioridade “as plantillas con maior déficit de persoal”, que no caso da provincia de Lugo serían “as de Viveiro e Monforte de Lemos”.

En rolda de prensa, os representantes da Unión Federal de Policía (UFP), o Sindicato Unificado de Policía (SUP), a Confederación Española de Policía (CEP) e mailo Sindicato Profesional de Policía (SPP) explicaron que Lugo “é a única cidade de Galicia abandonada” pola cúpula policial e o Ministerio do Interior. Das 133 prazas a crear nos concellos galegos, ningunha está asignada á capital lucense.

Un plan de tráfico no Cebreiro

Reunión da subdelegada do Goberno co alcalde de Pedrafita do Cebreiro | Subdelegación do Goberno
Reunión da subdelegada do Goberno co alcalde de Pedrafita do Cebreiro | Subdelegación do Goberno

Por outra banda, a subdelegada reuniuse co alcalde de Pedrafita, José Luís Raposo, para afrontar os problemas de tráfico no Cebreiro. A gran afluencia de visitantes leva a empregar a estrada de acceso como aparcadoiro, colapsando a circulación nas fins de semana para desfrutar da neve.

Rodríguez e Raposo acordaron convocar a todas as administracións implicadas, co concurso de Tráfico, Estradas, Protección Civil e Patrimonio, para procurar unha alternativa no acceso dos visitantes sen complicar a circulación no Cebreiro.

ÚLTIMAS

Coñece a programación da Semana de Cinema de Autor de Lugo: 148 filmes e homenaxe a María Vázquez

Máis de 148 películas formarán parte este mes de setembro da Semana de Cinema de...

Outro incendio rexistrado nunha nave do Ceao provoca cuantiosos danos materiais, aínda que non se rexistran vítimas

Un incendio declarado na noite deste mércores nunha nave do polígono industrial de O...

Vicepresidencia da Deputación de Lugo non dará apoio económico a actividades con participación israelí

A Vicepresidencia da Deputación de Lugo, do BNG, anunciou que non financiará actividades nin...

Detido en Lugo por ameazar con navalla a dous menores que xogaban na rúa

A Policía Nacional detivo en Lugo a un home de 64 anos de idade...