InicioMovementos sociaisLugo concéntrase este domingo contra a caza do raposo

Lugo concéntrase este domingo contra a caza do raposo

A concentración deste domingo, convocada para as 12.00 horas, expresará o rexeitamento á caza do raposo e o apoio institucional a esta práctica

PUBLICADA O

- Advertisement -

Para amosar a oposición social á caza do raposo, os colectivos ecoloxistas convocan este domingo en Lugo a concentrarse na Praza Maior. Será ás 12.00 horas, nunha xornada que, ademais de rexeitar unha matanza “indiscriminada e por divertimento, que carece de ética”, servirá para censurar o papel da administración autonómica no financiamento desta práctica.

A convocatoria parte da Plataforma pola Convivencia Ética Coa Fauna Silvestre (Con-Ética), en sincronía co resto de protestas que terán lugar nas cidades españolas na mesma data. Por outra banda, a agrupación adheriu a súa sinatura a outros trinta e un colectivos que denunciaron á Xunta de Galicia –concretamente, a Consellería de Deporte Galego e a Consellería de Medio Ambiente– perante a Comisión de Transparencia e Bo Goberno. O motivo é ocultación de datos referidos á ubicación dos campionatos de caza do raposo.

Estas competicións de caza do raposo “contan con cuadrillas formadas por entre dez e trinta cazadores, premiándose á que consiga matar o maior número de raposos, sen límite algún”, explican dende Con-Ética. Cada tempada de caza resultan abatidos en Galicia entre 12.000 e 13.000 exemplares, contando coas cifras divulgadas polas federacións da caza, iso sen contar coas batidas ilegais.

A política do Partido Popular

Carballo, Candia e Feijóo na comida tradicional do Partido Popular lucense | PPdeG
Carballo, Candia e Feijóo na comida tradicional do Partido Popular lucense | PPdeG

As xustificacións dos cazadores, e que o Partido Popular de Lugo reproduce, baséanse no suposto control das poboacións de raposos, malia que “carecen de base, dada a inexistencia de censos rigurosos e científicos, sendo os datos elaborados e aportados polo lobby da caza”, aseguran os ecoloxistas. Nese senso, os campionatos carecen de avaliación ambiental –pola alteración de hábitats e a contaminación por chumbo–.

Outro aspecto crucial relacionado coa caza do raposo é o do control de enfermidades. Este animal “é un aliado imprescindible” na loita contra doenzas emerxentes coma a borreliose, coñecida tamén como enfermidade de Lyme. Así, “a prohibición dos campionatos de caza de raposo constituiría unha medida preventiva estratéxica”.

A concentración esixirá a rectificación da política da Xunta de Galicia. O apoio do goberno galego á caza do raposo é contrario á Carta Europea sobre Caza e Biodiversidade, apoiada no Convenio Europeo de Berna, que insta á adopción de prácticas cinexéticas menos lesivas co medio natural. Incluso a caza ten a categoría de deporte, un asunto que levantou polémica con anterioridade, na persecución da arcea na Terra Chá. “Estas barbaries seguen a ser financiadas con cartos públicos […], unha barbarie sen xustificación con subvencións que deben adicarse á protección do hábitat”.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...