InicioMovementos sociaisSanidade anuncia hemodinámica 24 horas no HULA

Sanidade anuncia hemodinámica 24 horas no HULA

O conselleiro de Sanidade explicou que a ampliación do servizo de hemodinámica segue a recomendación dos expertos, criterio que antes desbotaba

PUBLICADA O

- Advertisement -

A Unidade de Hemodinámica do Hospital Universitario Lucus Augusti (HULA) de Lugo pasará a ter horario 24 horas. A medida foi anunciada este xoves polo conselleiro de Sanidade, Jesús Vázquez Almuiña, quen precisou que atenderá a procedementos urxentes e anxioplastias primarias. O horario continuado comezará a mediados de febreiro.

Na actualidade, hemodinámica opera desde as 8 da mañá até as 10 da noite. Almuiña xustificou o cambio de criterio pola recomendación dos expertos –a Comisión de Control e Seguimento, con Servizos de Cardioloxía de todo o país–, a mesma que ata o de agora foi ignorada no departamento autonómico, alegando que “a mortalidade por infarto na provincia de Lugo non é distinta á do resto de Galicia”.

Aliás, o conselleiro asegura que a decisión do Servizo Galego de Saúde débese á mellora constatada no diagnóstico como consecuencia da ampliación do horario de hemodinámica ata as 22.00 horas, realizada en febreiro de 2018. Almuiña aclarou que os datos proceden do Regaliam, o Rexistro Galego de Infarto de Miocardio, a mesma fonte na que se baseaba para negar a necesidade dun servizo continuado.

Hospital Universitario Lucus Augusti (HULA) | Grupo San José
Hospital Universitario Lucus Augusti (HULA) | Grupo San José

O titular de Sanidade indicou que a mortalidade por infarto de miocardio en Lugo mantense por debaixo do 5 por cento, estándar estabelecido pola Sociedade Española de Cardioloxía. Porén, segue un punto e medio por enriba dos rexistros hospitalarios de Santiago de Compostela ou Pontevedra.

Ademais, a falta de horario 24 horas en hemodinámica supuxo o traslado de tres de cada catro pacientes con patoloxía cardíaca dende 2015. O HULA é tamén o centro no que a intervención de perfusión ten máis demora: 155 minutos, ben por enriba da recomendación da Organización Mundial da Saúde.

Así e todo, a ampliación do horario ata as dez da noite reduciu notablemente os traslados e o tempo de resposta. Segundo as cifras do Sergas, o 75 por cento das anxioplastias primarias foron atendidas en Lugo entre febreiro e decembro de 2018, e o tempo entre o diagnóstico e a apertura da arteria foi de 86 minutos nese período.

A Federación de Veciños vixiará os retrasos hospitalarios

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...