O Concello de Lugo comunicou que adiantará para este venres a festa de celebración do 25 aniversario da declaración da Muralla Romana como Patrimonio da Humanidade, ante a previsión de fortes choivas para o sábado. Así, o espectáculo que contará cun show de 150 drones sincronizados e un desfile de grupos de recreación histórica de asociacións romanas e galaicas, arrincará ás 19.30 horas deste venres.

En concreto, os drones iluminarán o ceo de Lugo ao ritmo dunha composición do músico e instrumentista Abraham Cupeiro, creada especialmente para o evento. Este espectáculo será visible desde o miradoiro do Parque de Rosalía, a partir das 19.30 horas.

Unha hora máis tarde, terán lugar outros dous actos da programación, que tamén se adiantaron polo mal tempo previsto para o sábado. Un será o encontro de asociacións romanas e galaicas, nos arredores do cubo da muralla denominado Mosqueira, onde farán un aceso de lume e unha “ofrenda” ao monumento. Previamente, ás 20.00 horas, os grupos concentraranse na Praza de Santa María, para de alí partir cara á porta de muralla conocina como a da Estación e á porta de San Pedro, onde finalmente se unirán no cubo da Mosqueira, a partir das 20.30 horas.