A Policía Nacional informou da detención en Lugo dun home, veciño da cidade, como presunto autor dun delito de roubo con violencia.

Os feitos ocorreron a principios do mes pasado na zona de Magoi. A vítima gañara un premio en efectivo nunha máquina recreativa dun local de lecer e, ao abandonar o establecemento, foi seguida polo agresor. Segundo a Policía, o ladrón golpeou ao home na cara e, cando caeu ao chan, subtraeulle dous petos do pantalón, a riñonera coa recadación do seu lugar de traballo e varios décimos de lotaría. O valor total do roubado ascendeu a 1.200 euros.

Tras recibir aviso dunha transeúnte ao 112, a Policía Local e os servizos sanitarios acudiron ao lugar, trasladando á vítima ao hospital. A Policía Local informou á Policía Nacional, que iniciou investigacións a través do grupo de Policía Xudicial. Despois de dilixencias de investigación, determinouse a autoría do roubo, localizouse ao presunto autor e procedeuuse á súa detención e posta a disposición da autoridade xudicial.