Unha persoa resultou ferida tras unha colisión frontal de dous vehículos, un deles circulaba en sentido contrario, na A-6 á altura da parroquia lucense de San Salvador de Muxa.

Segundo a información do 112 Galicia, o suceso produciuse sobre as 8.35 horas deste mércores e foi un particular o que deu a voz de alarma e detallou que un ocupante dun dos vehículos podería estar atrapado. Ata o lugar desprazáronse axentes da Garda Civil que confirmaron que, finalmente, non había persoas atrapadas. Con todo, unha das persoas implicadas no suceso necesitou asistencia sanitaria.