InicioSucesosExpedientan un local en Lugo que funcionaba como pub e estaba rexistrado...

Expedientan un local en Lugo que funcionaba como pub e estaba rexistrado como cafetaría

Segundo informaron fontes policiais, o local iniciara a súa actividade nunha concorrida rúa do centro da cidade, baixo unha comunicación previa "limitada exclusivamente a cafetaría grupo I"

PUBLICADA O

- Advertisement -

A Policía Local de Lugo tramitou dilixencias por unha infracción administrativa dun local hostaleiro que “operaba baixo a aparencia de cafetaría cando, en realidade, exercía actividades propia dun pub, con reprodución de música e terraza exterior”.

Segundo informaron fontes policiais, o local iniciara a súa actividade nunha concorrida rúa do centro da cidade, baixo unha comunicación previa “limitada exclusivamente a cafetaría grupo I”. A pesar diso, sinalaron desde a Policía Local, “ofrecía servizos de restauración, música ambiental e terraza ao aire libre, en clara vulneración da normativa municipal e do réxime de tributos habilitantes en vigor”.

Tras reiteradas inspeccións e denuncias, a Policía incoou expediente, resolto mediante decreto, no que se acredita que o establecemento emitía música sen autorización, carecía de illamento acústico adecuado e desenvolvía unha actividade totalmente allea á autorizada, xerando molestias aos veciños e prexuízos aos locais da contorna que si cumpren a normativa.

A pesar de que a persoa responsable foi notificada formalmente da obrigación de cesar a actividade de pub e os equipos de son, fixo caso omiso e mantivo eses equipos instalados, o que levou á Policía a precintar esa instalación musical.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...