InicioSociedadeSanidade reubica no HULA o persoal da delegación de Lugo, afectada pola...

Sanidade reubica no HULA o persoal da delegación de Lugo, afectada pola contaminación do aire

O traslado progresivo permitirá acometer obras de redistribución e saneamento na delegación de Sanidade en Lugo, clausurada dende decembro

PUBLICADA O

- Advertisement -

A Consellería de Sanidade planifica o traslado ao Hospital Universitario Lucus Augusti do persoal que traballa na delegación da rúa Montevideo. Este edificio foi clausurado en decembro despois das reclamacións dos empregados, que levaban anos advertindo da presenza dun axente no aire que causaba irritación, fatiga respiratoria ou complicacións no aparato dixestivo. A medida permitirá manter a actividade mentres se traballa na rehabilitación da sede afectada.

Así, o departamento autonómico prepárase para executar traballos por importe de 113.000 euros. O traslado do persoal será gradual, afectando a todos os servizos de forma progresiva e con carácter previo ás obras principais. Esta medida é por tanto provisional, con actuacións que rematarán en dous meses.

A intervención contempla a reforma da terceira planta para redistribuír parte da área de microbioloxía do Laboratorio de Saúde Pública, instalando unha cheminea máis. Deste xeito, a área de microbioloxía será ampliada e terá funcións engadidas.

Sanidade informou de que independizará a rede interior de saneamento do Laboratorio de Saúde Pública das canalizacións do resto do edificio, condición que a Consellería afirmou que xa se cumpría. Asemade, mellorarase o sistema de evacuación de aguas residuais, xunto con novas medidas de evacuación e a sinalización.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...